بەڕێوبەرایەتیی گشتیی بانکە بازرگانییەکانی وەزارەتی دارایی و ئابوریی هەرێم ئاگادارییەکی بەپەلەی بڵاوکردەوە.
وەزارەتی دارایی دەڵێت، “ئاگاداری سەرجەم هاوڵاتییان دەکەینەوە، سبەی سێشەممە رێکەوتی 1ـی 7ـی 2025، پشووی بانکییە لە سەرجەم بانکە حکومییەکانی سەر بە بەڕێوبەرایەتیی گشتیی بانکە بازرگانیەکانی وەزارەتی دارایی”.
ئاماژە بەوەشدەکات، “دەرگای بانکەکان بە رووی هاوڵاتییان دادەخرێت، تەنها فەرمانبەران دەوامی ئاسایی خۆیان دەکەن بەمەبەستی رێکخستنی هاوسەنگیی نیوەی ساڵی دارایی 2025”.
