دەزگای ئاسایشی هەرێم دەستگیرکردنی چوار تۆمەتباری باندێك رادەگەیەنێت كە مامەڵەیان بە پارچەکانی شوێنەوارەوە کردووە.
دەزگای ئاسایش رایگەیاند، هێزەکانی بەڕێوەبەرایەتیی ئاسایشی راپەڕین بە پشتبەستن بە بەدەستهێنانی زانیاری و بەدواداچوون، بە بڕیاری دادوەری دادگای لێکۆڵینەوەی ئاسایش لە رۆژی 17ی ئاب چوار تۆمەتباریان دەستگیركرد كە هەستاون بە مامەڵەکردن بە چەندین (سکە)ی قەبارە جیاواز و (دوو پەیکەر)ی هونەریی مێژووییش دەستیان بەسەرداگیرا.
تۆمەتباران لە ڕەگەزی (نێر)ن، دانیشتوی سنووری ئیدارەی راپەڕینن، وەك ئەوەی دەزگای ئاسایشی هەرێم ئاشكرایكردووە و دەشڵێت، لەئێستادا بە ماددەی 24 لە یاسای ژمارە 5ی ساڵی 2021ی شوێنەوار راگیراون و، لێکۆڵینەوە لە دۆسیەکانیان بەردەوامە.
