لەبارەی ئەو هاوڵاتییەی کە چەند رۆژێک پێش ئێستا بە رووداوی هاتوچۆ گیانیلەدەستدابوو، پۆلیسی سلێمانی هاوڵاتییان ئاگاداردەکاتەوە.
بەڕێوەبەرایەتیی پۆلیسی سلێمانی بڵاویکردەوە، هاوڵاتییەك كە رەگەزی نێرە، لە شەقامی گشتیی بەردەم پارێزگای سلێمانی ئۆتۆمبێل لێیداوە و چەند رۆژێكە تەرمەكەی لە پەیمانگەی پزیشكی دادی سلێمانییە، ناوی سیانی نەزانراوە، هیچ جۆرە بەڵگەنامەیەكی پێنیە، تەمەنی لە نێوان 45 – 50 ساڵیدایە، تیشێرتێكی خەت خەتی شین و سپی لەبەردایە، ژمارەیەك (تاتۆ) بەجەستەوەیەتی كە لێی نووسراوە (دیلان).
دەشڵێت، داوا لە كەسوكاری یان هەرهاوڵاتییەك دەكەین كە دەیناسێت یان زانیاری هەیە لەسەری پەیوەندی بكات بە بنكەی پۆلیسی سەرچنار بەم ژمارە تەلەفۆنە: 0533184288
