شارەزایەکی کەشناسی رایگەیاند، ئەمشەو شەپۆلێکی نوێی خۆڵبارین روو لە ناوچەکانی هەرێم دەکات.
پشتیوان پێنجوێنی، شارەزای کەشناسی بە تۆڕی میدیایی ئێستای راگەیاند، ئەمڕۆ یەکشەممە لە ناوچە جیاجیاکانی هەرێمی کوردستان نیوەڕۆ بۆ ئێوارە ناوبەناو بای رۆژئاوا چالاکدەبێت و 30 بۆ 60 کیلۆمەتر دەبێت لە کاتژمێرێکدا.
وتیشی، بەپێی شوێن و کات گۆڕانکاری روودەدات، ئاسمان ناڕوون دەبێت، لە بەشێکی ناوچەکان تەپوتۆز دروستدەبێت.
باسی لەوەشکرد، ئەمشەو شەپۆلی نوێی خۆڵبارین روو لە ناوچە جیاوازەکانی هەرێمی کوردستان دەکات.
