ئەسغەر جەهانگیر، وتەبێژی دەزگای دادی ئێران رایدەگەیەنێت، لە هێرشەکەی ئیسرائیل بۆسەر زیندانی ئەوین لە تاران، 71 کەس گیانیان لەدەستدا.
ئەسغەر جەهانگیر بە میدیا ناوخۆییەکانی ئێرانی راگەیاند، لە هێرشەکەی سەر زیندانی ئەوین، 71 کەس کوژراون، کە بریتین لە (ستافی کارگێڕیی زیندانەکە، چەند کەسێک کە لە خزمەتی سەربازیدا بوون، زیندانییەکان، ئەندامانی خێزانی زیندانییەکان، چەند کەسێکی دانیشتووی دەوروبەری زیندانەکە).
وتیشی، جگە لەو ژمارەیەی کوژراون، دەیان کەسی دیکەش برینداربوون و لەئێستادا، لە نەخۆشخانە چارەسەر وەردەگرن.
هەفتەی رابردوو، ئیسرائیل هێرشێکی ئاسمانیی کردە سەر زیندانی ئەوین لە باکوری رۆژئاوای تاران، کە جگە لەوەی بەشێکی زیندانەکە زیانێکی بەرچاوی پێگەیشت، ژمارەیەکی زۆر قوربانیی لێکەوتەوە.
