باڵیۆزخانەى عێراق لە ئەنقەرە دەستپێکردنەوەى گەشتە ئاسمانییە راستەوخۆکان لە ئەنقەرەوە بۆ کەرکوک و بەغداد رادەگەیەنێت.
بەپێى راگەیەندراوێکى ئەمڕۆى باڵیۆزخانەکە گەشتەکان بە هەماهەنگیی نووسینگەى هێڵى ئاسمانیی عێراق لە ئەنقەرە و بە فڕۆکەى عێراقى دەبێت.
روونیشیکردەوە، کاردەکەن بۆ ئەوەى لە چەند رۆژى کەمى داهاتوودا گەشتەکان چوون و هاتنەوەش بگرێتەوە، پاشان خشتەى گەشتەکان بڵاودەکرێنەوە.
باڵیۆزخانەى عێراق داواش لەو هاوڵاتییانە دەکات کە دەیانەوێت گەشت بۆ عێراق بکەن، تکتى گەشت ببڕن یان دڵنیاببنەوە لە حجزى کورسییەکانیان لەڕێى سەردانى نووسینگەى هێڵى ئاسمانیی عێراق لە ئەنقەرە.
