لقی هەولێری ئۆفیسی هەڵبژاردنەکانی عێراق هاوڵاتییان ئاگاداردەکاتەوە و دەڵێت، دەتوانن کارتی بایۆمەترییەکانتان وەربگرنەوە.
ئەمڕۆ چوارشەممە، لقی هەولێری ئۆفیسی هەڵبژاردنەکانی عێراق هاوڵاتییان ئاگاداردەکاتەوە رایگەیاند، ئەو فەرمانبەرانەی لە رۆژی هەڵبژاردنی پەرلەمانی کوردستاندا بەشدارییان لە پڕۆسەکەدا کردووە دەتوانن سەردانی بنکەکانیان بکەن بۆ وەرگرتنی کارتی بایۆمەتری.
دەشڵێت، ئەو دەنگدەرانەی لە ماوەی رابردوودا کارتی بایۆمەترییان وەرنەگرتووەتەوە یاخود لە ئەوانەی لە رۆژی دەنگداندا پەنجەمۆریان نەیخوێندووەتەوە، لە ئێستادا دەتوانن کارتەکانیان وەریبگرنەوە.
ئەوەشی خستووەتەڕوو، بە مەبەستی دابەشکردنی کارتی بایۆمەتری لە رۆژی یەکشەممە تاوەکو رۆژی پێنجشەممە، لە کاتژمێر هەشتی سەرلەبەیانییەوە تاوەکو کاتژمێر دووی دوانیوەڕۆ، هاوڵاتییان دەتوانن لە بنکەکاندا کارتەکانیان وەربگرنەوە.
