نرخی نەوت، ئەمڕۆ چوارشەممە 27ی کانونی دووەم دوای کەمبوونەوەیەکی زۆر لە یەدەگی نەوتی خاوی ئەمریکی لە هەفتەی ڕابردوودا ، هەروەها چین کە دووەم گەورە بەکاربەری نەوتە لە جیهاندا، کەمترین حاڵەتی توشبوون بە کۆرۆنای تۆمارکرد، ئەم پاڵنەرانە هۆکاری بەرزبوونەوەی نرخی نەوتن لە بازاڕەکانی جیهاندا.
نرخی بەرمیلێک نەوتی خاو لە بازاڕەکانی جیهاندا 19 سەنت و بە ڕێژەی %0.3 بەرزبووەوە و نرخەکەی گەیشتە 56.10 دۆلار.
هەروەها نەوتی خاوی تەکساس، 20 سەنت و بەڕێژەی %0.4 بەرزبووەوە و نرخەکەی گەیشتە 52.81 دۆلار.
فاندان هاری، شیکەرەوەی بازاڕی نەوت دەڵێت، “نەوتی خاوی تەکساس گەورەترین کشانەوەی چاوڕواننەکراوی لە گەنجینەکانیدا تۆمارکردووە، ئەمەش کاریگەری گەورەی لەسەر بازاڕی نەوت هەیە وەک یەکێک لە گەورەترین وڵاتانی بەکاربەری نەوت”.
