بەڕێوەبەرایەتیی پۆلیسی سلێمانی رایدەگەیەنێت، بەتۆمەتی دزیکردن و لەسەر بڕیاری دادوەری تایبەتمەند، مەفرەزەکانی بەشی پۆلیسی سەیدسادقی سەر بە بەڕێوەبەرایەتیمان، تۆمەتبارێکی هەڵاتوویان دەستگیرکرد.
لە راگەیەندراوێکی بەڕێوەبەرایەتیی پۆلیسی سلێمانیدا هاتووە، دوای ئەوەی بڕیاری دەستگیرکردنی تۆمەتبارێکی هەڵاتوو لەلایەن دادگای لێکۆڵینەوەی نەوجەوانانی کەرکوکەوە گەیشتە بەشی پۆلیسی سەیدسادق، تایبەت بەدەستگیرکردنی تۆمەتبارێک کە بە بڕیاری دادوەر و بەپێی ماددەی 444 لە یاسای سزادان، بڕیاری دەستگیرکردنی بۆ دەرچووبوو، دەستبەجێ هێزەکانی پۆلیس لێکۆڵینەوەکانیان دەستپێکرد.
دەشڵێت، توانرا تۆمەتبار بدۆزرێتەوە و لەلایەن مەفرەزەکانی بەشی پۆلیسی سەیدسادقەوە، دەستگیربکرێت.
پۆلیسی سلێمانی باسلەوەشدەکات، تۆمەتبار (ج، أ، ب) لەئێستادا بە بڕیاری دادوەری تایبەتمەند راگیراوە و دوای گرتنەبەری رێکارە یاساییەکان، رادەستی شوێنی داواکراو دەکرێتەوە.
