بڕیارە نیوەڕۆی ئەمڕۆ یەکەمین کۆبوونەوەی ئەنجومەنی پارێزگای کەرکوک بەڕێوەبچێت.
ئەمڕۆ پێنجشەممە لەسەر داوای محەمەد شیاع سودانی سەرۆک وەزیرانی عێراق بڕیارە کاتژمێر 1:00 ی پاشنیوەڕۆ یەکەمین کۆبوونەوەی ئەنجومەنی پارێزگای کەرکوک بەڕێوەبچێت.
کۆبوونەوەکەی ئەنجومەنی پارێزگای کەرکوک لەدوای نزیکەی حەوت مانگ لە ئەنجامدانی هەڵبژاردنی ئەنجومەنی پارێزگاکان و چەند جارێک دواخستنی کۆبوونەوەی ئەنجومەنەکە بەڕێوەدەچێت.
بڕیارە راکان جبوری وەک بەتەمەنترین ئەندامی ئەنجومەنەکە سەرۆکایەتیی یەکەم کۆبوونەوە بکات.
ئەنجومەنی پارێزگای کەرکوک لە 16 ئەندامی پێکهاتووە، بۆ بەرێوەچوونی کۆبوونەوەکە پێویستە 1+50 ی ئەندامەکانی ئامادەبن.
تا ئێستا نازانرێت رێژەی پێویستی ئەندامان ئامادەی کۆبوونەوەکە دەبن، یان وەک کۆبوونەوەکانی رابردوو کۆبوونەوەکە ئەنجامنادرێت.
