وەزیری نەوتی عێراق رایگەیاند، تا ئێستا هەناردەکردنی نەوتی عێراق بۆ دەرەوە ئاساییە، تەنانەت ئەگەر گەرووی هورمزیش دابخرێت کێشەیان بۆ دروستنابێت.
حیان عەبدولغەنی وەزیری نەوتی عێراق رایگەیاند، کارکردن لە کێڵگە نەوتییەکان ئاساییە، بەرهەمهێنانی نەوت هیچ کێشەیەکی بۆ دروستنەبووە و کارمەندانی بیانی ناو کێڵگە نەوتییەکان کە بە شێوازی شەفت کاردەکەن بەردەوامن لە کاری خۆیان و عێراقیان جێنەهێشتووە.
ئاماژەی بەوەشکرد، “هەناردەکردنی نەوت ئاساییە تا ئێستا، لە حاڵەتی داخستنی گەرووی هورمزیش ئێمە رێگای جێگرەوەمان هەیە کە وەزارەتمان کاری لەسەردەکات”.
