وەزیرى دەرەوەى ئێران دووپاتیدەکاتەوە وڵاتەکەى پێشتر و لەداهاتووشدا هەوڵى بۆ بەدەستهێنانى چەکى ئەتۆمى نابێت.
عەباس عراقچى، وەزیرى دەرەوەى ئێران لە لێدوانێکدا رایگەیاند، پێویستە جیهان هەموو بزانن کە هەڵسوکەوتى ئێران تەنها بۆ بەرگریکردن لە خۆى.
وتیشى، “تائێستا وەڵامى رژێمى ئیسرائیل-مان نەداوەتەوە و، بەهەمان شێوەش وەڵامى ئەوەى هاوکارى و پاڵپشتی دەکات”.
ناتانیاهۆ ئەم جەنگەى هەڵگیرساند بۆ تێکدانى رێڕەوى دیپلۆماسى، عراقچى واى وت.
ئەوەشى خستەڕوو، بە کردەیى و ئاشکرایى پابەندییەکانمان سەلماند و، هەوڵمان بۆ بەدەستهێنانى چەکى ئەتۆم نەداوە و نایدەین.
وەزیرى دەرەوەى ئێران دووپاتیشیکردەوە، درێژە بە پابەندییە دیپلۆماسییەکانمان دەدەین، تەنها لەگەڵ ئیسرائیل نەبێت.
