قائیمقامیەتی سلێمانی لەبارەی کڕینی ئاوی تانکەر هۆشداری بە هاوڵاتییان دەدات.
عامر محەمەد، سەرۆکی لیژنەی شەمعە لە لیژنە هاوبەشەکانی قائیمقامیەتی سلێمانی رایگەیاند، لە وەرزی هاویندا بەشێک لە هاوڵاتییان بەناچاری ئاوی تانکەر دەکڕن، پێویستە ئەو هاوڵاتییانە چاوکراوە بن و رێگەنەدەن نرخی زیادیان لێبسەندرێت، یان ئاوی نا تەندروستیان پێبفرۆشرێت، چونکە پەیوەندی بە تەندروستییانەوە هەیە.
باسی لەوەشکرد، ئەو تانکەرانە کە ئاو بۆ ماڵان دەبەن پێویستە لۆگۆی رێگەپێدانیان پێوەبێت، هەر تانکەرێک لۆگۆی پێوەنەبێت و لێی نەنوسرابێت ئاوی ئەم تانکەرە شیاوە بۆ خواردنەوە، ناکرێت ئاوەکەی بۆ خواردنەوە بەکاربهێندرێت.
