وەزارەتی كارەبای هەرێم رایدەگەیەنێت، ئامادەكاری بۆ وەرزی هاوینی ئەمساڵ دەكات.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە تێیدا هاتووە ئەمڕۆ ئومێد ئەحمەد بەڕێوەبەری كۆنترۆڵی كارەبای هەرێم سەرپەرشتیی كۆبوونەوەیەكی فراوانی كۆنترۆڵی پارێزگاكان و لیژنەی سیستمی پارێزگاری u.f وێستگەكان كرد.
لە راگەیەندراوەكەدا هاتووە، لە وەرزی هاویندا، ئامادەكاری بۆ زیادكردنی ژمارەی هاوبەشانی پرۆژەی 24 كاتژمێریی كارەبا دەكرێت كە ئێستا زیاتر لە ملیۆنێك هاوڵاتی سوودمەندبوونە تاوەكو كۆتایی ئەم مانگە ژمارەیەكی دیكەی هاوبەشانی كارەبا لە پرۆژەكە سوودمەنددەبن و لە كۆبوونەوەیەدا بەرنامەی هاوین و زیادكردنی بەرهەمهێنانی كارەبا تاوتوێكران.
