مارکۆ روبیۆ، وەزیری دەرەوەی ئەمریکا بەیاننامەیەکی لەبارەی هێرشەکەی بەرەبەیانی ئەمڕۆی ئیسرائیل بۆ سەر ئێران بڵاوکردەوە.
لە بەیاننامەکەی روبیۆ-دا هاتووە، “ئەمشەو ئیسرائیل کردەوەی تاکلایەنانەی دژی ئێران ئەنجامدا، بەشدارنین لە هێرشەکانی دژی ئێران و کاری هەرە لەپێشینەمان، پاراستنی هێزە ئەمریکییەکانە لە ناوچەکە”.
ئاماژەی بەوەشکرد، “ئیسرائیل پێی راگەیاندین کە بڕوای وایە ئەم کارە پێویست بووە بۆ پارێزگاریکردن لە خۆی”.
دەشڵێت، “سەرۆک ترەمپ و ئیدارەکە، هەموو هەنگاوە پێویستەکانمان گرتووەتەبەر بۆ پاراستنی هێزەکانمان و لە پەیوەندیی نزیکدا دەمێنینەوە لەگەڵ هاوبەشەکانمان لە ناوچەکە”.
وەزیری دەرەوەی ئەمریکا دووپاتیشی دەکاتەوە و دەڵێت، “با بە روونی رایبگەیەنم، نابێت ئێران بەرژەوەندیی، یان کارمەندانی ئەمریکا بە ئامانج بگرێت”.
