سەرۆكایەتیی شارەوانیی سلێمانی رایدەگەیەنێت، “ئەمڕۆ لە لایەن تیمەكانمان لە سەرۆكایەتیی شارەوانیی سلێمانی دەستكرا بە بڕینی شەقامێكی سەرەكیی نزیك هەواری زانكۆ”.
ئاماژەی بۆ ئەوەش كردووە، هەر لە میانەی كارەكانیاندا، تیمەكانمان دەستیانكرد بە قیرتاوكردن و نۆژەنكردنەوەی چەند كۆڵانێك لە گەڕەكی بەكرەجۆ و دوای تەواوكردنی كارەكانیان لە چاككردنی چاڵ و چۆڵی شەقامەكانی (ئەزمەڕ و دەباشان) دەستكرا بە چاككردنی شەقامەكانی شاڕێی پێشمەرگە.
شارەوانیی سلێمانی باسی لەوەش كردووە، هەروەها تاوەكو ئەم كاتە تیمەكانمان نزیكەی 80.000 مەتر دووجا قیرتاوی شەقام و گەڕەكانی شاری سلێمانیان كردووە كە پێكدێت لە گەڕەكەكانی سەردارئاوا، تاسڵوجە، راپەڕین و بەكرەجۆ.
