بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، ئاماری بوومەلەرزە تۆمارکراوەکانی لە مانگی رابردوودا بڵاوکردەوە.
بەپێی ئامارەکە، مانگی رابردوو، 125 بوومەلەرزە لەلایەن تۆڕی بوومەلەرزەی کوردستانەوە تۆمارکراون و لەسەر ئاستی ناوخۆ و وڵاتانی هەرێمییش، 58 بوومەلەرزە تۆمارکراون،
ئاماژەی بەوەشکرد، لە هەر چوار پارێزگاکەی هەرێمی کوردستان 28 بوومەلەرزە تۆمارکراون و زۆربەیان دەکەونە سنووری پارێزگای سلێمانی.
ئەوەشخراوەتەڕوو، بەرزترین گوڕی بوومەلەرزەی تۆمارکراو لەسەر ئاستی ناوخۆ و وڵاتانی هەرێمی، بریتییە لە 4.1، کە دەکەوێتە نزیک پارێزگای (ئەرزینجان) لە رۆژهەڵاتی تورکیا، بەڵام لەسەر ئاستی هەر چوار پارێزگاکەی هەرێمی کوردستان، بریتییە لە گوڕی 3.1 کە دەکەوێتە نزیک کەلار.
