مەسرور بارزانی لە پەیامێكیدا وەڵامی داوایەكی مستەفا كازمی داوەتەوە و ڕایگەیاندووە، “ئامادەیی خۆمان دەردەبڕین بۆ ڕێككەوتن و چارەسەری بنەڕەتی و یه‌کجاری هەموو کێشەکانی نێوان حکومەتی فیدراڵی و هەرێم”.
لە زنجیرە تویتێكدا كە لە تویتەری خۆی بڵاویكردووەتەوە، مەسرور بارزانی، سەرۆكی حكومەتی هەرێمی كوردستان نوسیویەتی، بە ناوی حکومەتی هەرێمی کوردستانەوە پێشوازی و پشتیوانی له بانگه‌وازی مستەفا كازمی، سه‌رۆکوه‌زیرانی عێراق دەكات بۆ گفتوگۆی نیشتمانیی نێوان لایه‌نه عێراقییەکان لە پێناو چارەسەری ڕیشەیی هەموو کێشە و ناکۆکییەکان.
ئەوەشی ڕاگەیاندووە، “هەروەها ئامادەیی خۆمان دەردەبڕین بۆ ڕێککه‌وتن و چارەسەری بنەڕەتی و یه‌کجاری هەموو کێشەکانی نێوان حکومەتی فیدراڵی و هەرێمی کوردستان به‌پێی بنەماکانی ده‌ستوور”.
بە ناوی حکومەتی هەرێمی کوردستانەوە پێشوازی و پشتیوانی له بانگه‌وازی سه‌رۆک وه‌زیرانی حکومەتی فیدرال به‌ڕێز مستەفا کازمی ده‌که‌م بۆ گفتوگۆی نیشتمانیی نێوان لایه‌نه عێراقییەکان لە پێناو چارەسەری ڕیشەیی هەموو کێشە و ناکۆکییەکان.
— Masrour Barzani پابەندین# (@masrour_barzani) March 8, 2021
