قائیمقامیەتی قەزای قەرەداغ دەڵێت، “سەرلەبەیانی ئەمڕۆ سێشەممە ئاگرێك لە شاخی دەلوجە كەوتووەتەوە و تاوەكو ئێستا نەتوانراوە بەتەواوەتی كۆنتڕۆڵبكرێت”.
لە راگەیەندراوەكەی قائیمقامیەتی قەزای قەرەداغ هاتووە، هەرلەسەرەتای كەوتنەوەی ئاگرەكە تاوەكو ئێستا هەریەك لە بنكەی ئاگركوژێنەوەی قەرەداغ، سێوسێنان، بەشی پۆلیسی دارستانی قەرەداغ، سێوسێنان، بەشی پۆلیسی قەرەداغ و دانیشتووانی گوندەكانی ئەو سنوورە و تیمی فڕۆكەوانیی پارێزگای سلێمانی و بنكەی ئاگركوژێنەوەی دەربەندیخان بەشدارن.
ئاماژە بۆ ئەوەش كراوە، بە هۆكاری بوونی پووش و پاوانی زۆر و فراوانی شوێنەكە و سەختیی ناوچەكە ئاگرەكە كۆنتڕۆڵ نەكراوە.
