ئێوارەی ئەمڕۆ لەناو پارکی هەواری شار ئۆتۆمبێلێک وەرگەڕا و بەهۆیەوە کەسێک برینداربوو.
بەڕێوەبەرایەتیی هاتوچۆی سلێمانی بڵاویکردەوە، ئەم ئێوارەیە ئۆتۆمبێلێک لە جۆری تۆیۆتا هایلۆکس لەناو پارکی هەواری شار بەهۆی تیژڕەوییەوە کۆنتڕۆڵی لەدەستداوە و لە شوێنێکی بەرزاییەوە کەوتووەتە خوارەوە.
ئاماژەی بەوەشکرد، بەهۆی رووداوەکەوە شۆفێری ئۆتۆمبێلەکە برینداربووە، پێنج درەخت شکاونەتەوە و زیانی ماددیی زۆریش بەر ئۆتۆمبێلەکە کەوتووە.
