“زۆرینەی بەرپرسانی عێراق لە حەجن”

بۆ وەرزی حەجی ئەمساڵ دەیان بەرپرسی باڵای عێراق بۆ بەجێهێنانی فەریزەی حەج روویان لە عەرەبستانی سعودیە کردووە.

سەرچاوەیەکی ئاگادار بە تۆڕی میدیایی ئێستای راگەیاند، لە ئێستادا هەریەکە لە وەزیرانی ناوخۆ و کاروکاروباری کۆمەڵایەتی، ئەندامانی ئەنجومەنی باڵای دادوەری، ژمارەیەک لە دادوەرانی دادگای باڵای فیدڕاڵی بە مەبەستی بەجێهێنانی فەریزەی حەج لە شاری مەککەن.

ئاماژەی بەوەشکرد، زۆرینەی ئەندامانی ئەنجومەنی نوێنەران لە سوننە و شیعە لە حەجن، بەڵام تەنها حەوت پەرلەمانتار بە ئەرک بۆ چاودێریکردنی پرۆسەکە لە شاری مەککەن.