وەزیری ئەوقاف و كاروباری ئایینیی هەرێم رایدەگەیەنێت، حكومەتی عێراق مووچەی مووچەخۆرانی هەرێمی كوردستانی لە جەژنی قورباندا بڕی و دەشڵێت، “لە هیچ وڵاتێكی دونیا شتی وا رووینەداوە كە حكومەتێك مووچەی فەرمانبەرانی ببڕێت”.
د. پشتیوان سادق وەزیری ئەوقاف و كاروباری ئایینیی هەرێم لە لێدوانێكیدا كە پەیامنێری تۆڕی میدیایی ئێستا ئامادەی بوو رایگەیاند، حكومەتی عێراق مووچەی مووچەخۆرانی هەرێمی كوردستانی لە جەژنی قورباندا بڕی، لە كاتێكدا حكومەتی هەرێم پابەندییەكانی خۆی جێبەجێكردووە و لە هیچ وڵاتێكی دونیا شتی وا رووینەداوە كە حكومەتێك مووچەی فەرمانبەرانی ببڕێت.
وتیشی، “حكومەتی هەرێم دوای جەژن هەوڵی جددی دەدات بۆ چارەسەركردنی ئەو كێشەیە و پێویستە زۆر زۆر سوپاسی خۆڕاگریی فەرمانبەران بكەین كە ئەم جەژنە تەحەموولیان كرد و ئەوەی حكومەتی عێراق دەیكات غەدرە لە خەڵكی هەرێمی كوردستان”.
