لە ناحیەی سەروچاوەی سەر بە ئیدارەی راپەڕین، ئاگر لە ماڵێک کەوتەوە و کەسێک کە پیشەی مامۆستا بوو گیانیلەدەستدا.
عەلی قادر، بەڕێوەبەری شارستانیی ڕاپەڕین بە تۆڕی میدیایی ئێستای ڕاگەیاند، “درەنگانی شەوی ڕابردوو لە ناحیەی سەروچاوە ئاگر لە ماڵێک كەوتووەتەوە، كەسێك كە پیشەی مامۆستا بووە بەتەنیا لە ماڵەوە بووە، لەکاتی تەشەنەسەندنی زیاتری ئاگرەکە ڕۆیشتووەتە ھەورەبانی ماڵەوەیان، بەڵام بەھۆی دووکەڵەوە گیانیلەدەستداوە”.
ئاماژەی بەوەشکرد، “ئاگرەکە لە ناوەوەی ماڵەکەدا بووە، تائێستا هۆكاری كەوتنەوەی ئاگرەكە نەزانراوە و بەردەوامن لە لێکۆڵینەوە”.
