وتەبێژی دەستەی ژینگەی هەرێم رایگەیاند، “زیاتر لە هەزار مۆلیدە کوژێندراونەتەوە”.
سەنعان عەبدوڵا، وتەبێژی دەستەی ژینگەی هەرێم بە تۆڕی میدیایی ئێستای راگەیاند، “بەهۆی پرۆژەی رووناکییەوە تاوەکو ئێستا هەزار و 260 مۆلیدە لە گەڕەکەکان کوژێندراونەتەوە و ئەوەش کاریگەری لەسەر پاکبوونەوەی ژینگە هەیە و وەکو ئەوە وایە نزیکەی 250 هەزار ئۆتۆمبێل لەسەر شەقام نەمابن”.
وتیشی، مۆلیدە یەکێکە لە سەرچاوەکانی پیسبوونی ژینگە و دوای ئەویش پاڵاوتگەکان کاریگەرییان لەسەر کوالێتیی هەوای شارەکانی هەرێم هەبووە و بەردەوام لە هەوڵی کەمکردنەوەی کاریگەرییە نەرێنییەکانی سەر ژینگەداین.
