کەشناسیی هەرێم پێشبینییەکانی کەشوهەوای یەکەم رۆژی جەژنی راگەیاند و ئاشکرایکرد، پلەی گەرمی بەرزبوونەوە بەخۆیەوە دەبینێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ پێنجشەممە ئاسمان ساماڵ و پەڵە هەور دەبێت، پلەی گەرمی کەمێک بەرزتر دەبێت بەراورد بە تۆمارکراوەکانی دوێنی.
ئاماژەی بەوەشکرد، سبەینێ هەینی ئاسمان ساماڵ و پەڵە هەور دەبێت لە ناوچە شاخاوییەکان دەگۆڕێت بۆ نیمچە هەور، بەراورد بە ئەمڕۆ پلەی گەرمی بەرزتر دەبێتەوە.
