پۆلیسی ڕاپەڕین هەواڵێک ڕەتدەکاتەوە

پۆلیسی ڕاپەڕین ڕایگەیاند، لە پەیجێکی سێبەرەوە هەواڵی ئەوە بڵاوکراوەتەوە کە گوایە فلاش میمۆرییەکی بنکەیەکی دەنگدان ڕفێندراوە، ئەو هەواڵە دوورە لە ڕاستییەوە و هێزە ئەمنییەکان لە ئەرکی خۆیان بەردەوامن.

لە ڕاگەیەندراوەکەی پۆلیسی ڕاپەڕیندا هاتووە، ” لە پەیجێکی سێبەر دور لە هەموو بەهایەکی ئەخلاقی و ئیتیکی ڕۆژنامەوانی هەواڵێک بڵاوکراوەتەوە گوایە ئەفسەرێک و 4 کارمەندی پۆلیس و کارمەندێکی کۆمسیۆن میمۆری و فلاشی ناوەندێکی دەنگدانیان لە ڕانیە ڕفاندووە، سەرلەبەری ئەم هەواڵە دوورە لەڕاستییەوە، بە پێچەوانەوە ئەرکی ئەفسەر و کارمەندانی پۆلیس پاراستنی فلاش و میمۆریەکانی هەڵبژاردن و پاراستنی دەنگی دەنگدەرانە تا گەیشتنیان بە شوێنی مەبەست، بۆیە ئەم دەنگۆیە دورە لە ڕاستی”.

کۆمسیۆنی باڵای سەربەخۆی هەڵبژاردنەکانی عێراق، دوای کۆتاییهاتنی پرۆسەی دەنگدان ڕایگەیاند، هیچ حاڵەتێکی نەخوازراو لە هەڵبژاردنەکەدا ڕووینەداوە و لەگەڵ هێزە ئەمنییەکان بە ئەمانەتەوە دەنگی دەنگدەران دەپارێزن.

بابەتی پێشتر

هاوپەیمانی كوردستان لە سلێمانی و كەركوك یەكەمە و لە هەولێریش دووەم

بابەتی دواتر

ڕێژەی دەنگدانی پارێزگاکانی هەرێم

بابەتی پەیوەندیدار
Total
1
Share