ئەمشەو، بوومەلەرزەیەک لە رۆژئاوای شاری زاخۆ روویدا و هاوڵاتییانی ئەو شارە هەستیانپێکرد.
دەستەی گشتیی کەشناسی و بەدواداچوونی بوومەلەرزەزانیی عێراق بڵاویکردەوە، کاتژمێر 08:18ـی ئێوارەی ئەمڕۆ، بوومەلەرزەیەک تۆمارکرا کە گوڕەکەی 3.8 پلە بووە بە پێوەری رێختەر.
ئەوەشیخستەڕوو، بوومەلەرزەکە بە دووریی 28 کیلۆمەتر لە رۆژئاوای شاری زاخۆ، لە سنووری پارێزگای دهۆک روویداوە و قوڵاییەکەی 10 کیلۆمەتر بووە.
دەستەکە ئاماژەی بەوەشکرد، “بەشێک لە دانیشتووانی ئەو ناوچەیە هەستیان بە بوومەلەرزەکە کردووە، بەڵام هیچ زیانێکی گیانی و ماددی تۆمارنەکراوە”.
