ئومێد خۆشناو رایگەیاند، لە نزیکترین کاتدا هەڵبژاردەی عێراق سەردانی هەرێمی کوردستان دەکەن و رێزیان لێدەگیرێت و لە ئاستی باڵاشدا دیداریان دەبێت.
ئومێد خۆشناو پارێزگاری هەولێر لە کۆنگرەیەکی رۆژنامەوانیدا رایگەیاند، “هاتنی هەڵبژاردەی عێراق بۆ هەولێر پەیوەندی بە بابەتی سیاسییەوە نییە، پلانێکمان هەبوو لەگەڵیان پێشوازییەکی دروستیان لێبکەین، بەڵام بەهۆی ئەو تەشهیرانەی دەستیانپێکرد، دواخرا، بەڵام لە نزیکترین کاتدا ئەو پێشوازییەیان لێدەکرێت”.
ئاماژەی بەوەشکرد، “پەیوەندییەکانی هەرێم و عێراق لەهەموو رووەکانەوە بەرەوپێشچوونی بەخۆیەوە بینیوە، ئەوانیش سەرسامن بە هەولێر و سەرسامی دەکەن”.
ئاشکراشیکرد، “ئەو یاریزانانە رێزیان لێدەگیرێت و لە ئاستی باڵاشدا دیداریان دەبێت”.
