بە بڕیاری پارێزگاری کەرکوک، سبەی پێنجشەممە کرایە پشووی رەسمی.
پارێزگای کەرکوک لە راگەیەندراوێکدا بڵاویکردەوە، رێبوار تەها، پارێزگاری کەرکوک بەبۆنەی رۆژی عەرەفەوە، سبەی پێنجشەممەی كردە پشووی رەسمی.
ئاماژەی بەوەشکرد، “پشووەكە سەرجەم فەرمانگە، دامەزراوە خزمەتگوزارییەکان، زانکۆی کەرکوک، کۆلێژ و پەیمانگاکان دەگرێتەوە، جگە لە پێکهاتە و دامەزراوە فیدراڵییەکان”.
هەر لە راگەیەندراوەکەدا هاتووە، “رێبوار تەها پیرۆزبایی جەژنی کرد و هیوای جەژنێکی پڕ لە خێر و خۆشی و ئارامیی بۆ هەمووان خواست”.
