دۆناڵد ترەمپ سەرۆکی ئەمریکا رایگەیاند، رێز لە شی جینگ بینگ سەرۆکی چین دەگرێت و خۆشی دەوێت، بەڵام ئەو کەسێکی توندوتیژە و ئەستەمە بگەن بە رێککەوتن لەگەڵی.
دۆناڵد ترەمپ لە پۆستێکدا کە لە تۆڕی کۆمەڵایەتیی ترەست بڵاویکردەوە، رایگەیاند، “رێز لە سەرۆک شی جینگ بینگ دەگرم، هەمیشە خۆشمویستووە و بەردەوامیش دەبم، بەڵام ئەو کەسێکی توندوتیژە”.
ئاماژەی بەوەشکرد، ئەستەمە لەگەڵی رێکبکەوێت.
ئەم وتانەی ترەمپ لە کاتێکدایە لە ئەمڕۆوە بڕیاری زیادکردنی باجی گومرگی لەسەر هاوردەی ئاسن و ئەلەمنیۆم بە رێژەی 50% چووەتە بواری جێبەجێکردنەوە.
