وتەبێژی وەزارەتی کشتوکاڵی هەرێم رایدەگەیەنێت، “گەنمی ئەمساڵ لە ملیۆنێک تۆن کەمتردەبێت”.
هیوا عەلی، وتەبێژی وەزارەتی کشتوکاڵی هەرێمی کوردستان رایگەیاند، “بەرهەمی گەنمی ئەمساڵ لە ملیۆنێک تۆن کەمتردەبێت”.
وتیشی، گۆڕانی کەشوهەوا، وشکەساڵی، کەمیی باران و کەمبوونەوەی بڕی بەرهەمی دانەوێڵە، هۆکاری کەمبوونەوەی بەرهەمی گەنمن.
لەبارەی وەرگرتنی گەنمی جوتیاران، نەوزاد شێخ کامیل، بەڕێوەبەری گشتیی بازرگانیی هەرێمی کوردستان رایگەیاند، حکومەتی عێراق ئەمساڵ 400 هەزار تۆن گەنمی وەکو پشکی هەرێمی کوردستان دیاریکردووە، کە بە نرخی رەسمی وەریبگرێت.
