بڕیارە ئەمڕۆ سەرۆك كۆماری ئێران بگاتە سلێمانی و لە دەباشان لەگەڵ سەرۆكی یەكێتی كۆببێتەوە.
بەپێی بەرنامەی سەردانەكەی بڕیارە نیوەڕۆی ئەمڕۆ مەسعود پزیشكیان، سەرۆك كۆماری ئێران لە رێگای فڕۆكەخانەی نێودەوڵەتیی سلێمانییەوە بگاتە سلێمانی و سەرەتا تاجەگوڵینە لەسەر مەزاری سەرۆك مام جەلال دابنێ، پاشان لە دەباشان لەگەڵ بافڵ جەلال تاڵەبانی، سەرۆكی یەكێتیی نیشتمانیی كوردستان كۆببێتەوە.
دوێنێ سەرۆك كۆماری ئێران گەیشتە بەغداد و زنجیرەیەك دیدار و كۆبوونەوەی ئەنجامدا و پتەوتركردنی پەیوەندییەكانی نێوان عێراق و ئێران جەختی لێكرایەوە.
بەیانیی ئەمڕۆش گەیشتە هەولێر و كۆبوونەوەیەكی لەگەڵ هەردوو سەرۆكایەتیی هەرێم و حكومەتی هەرێمی كوردستان ئەنجامدا.
