کەشناسیی هەرێم رایدەگەیەنێت، لە ناوچەکانی هەرێم خۆڵبارین بەردەوامدەبێت و پلەی گەرمی زیاتر بەرزدەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، ئەمڕۆ سێشەممە ئاسمان ساماڵ دەبێت، لەگەڵ ئەگەرى بەرزبوونەوەى تۆز و خۆڵ، کاریگەریى ئەم تۆز و خۆڵە لە سەر ناوچەکانى باشوورى هەرێم زیاتردەبێت، بەتایبەت لە کاتەکانى درەنگانى شەو و بەرەبەیانى زووى چوارشەممەدا، پلەی گەرمی بە (2- 3) پلەی سیلیزی بەراورد بە تۆمارکراوەکانی دوێنێ نزمدەبێتەوە.
باس لەوەشدەکات، سبەینێ چوارشەممە ئاسمان پەڵەهەور بۆ نیمچەهەور دەبێت، و لە ناوچە سنوورییەکانى باکوور و باکوورى رۆژهەڵات هەندێک کات دەگۆڕێت بۆ هەورى تەواو لە گەڵ ئەگەرى بارینى کەمێک نمەباران لەو ناوچانەدا، پلەی گەرمی بە (1- 2) پلەی سیلیزی بەراورد بە تۆمارکراوەکانی ئەمڕۆ بەرزدەبێتەوە.
پلەی گەرمیی پێشبینیکراو بە پلەی سیلیزی:
هەولێر : 36 پلەی سیلیزی
سلێمانی : 35 پلەی سیلیزی
دهۆک : 33 پلەی سیلیزی
کەرکوک : 38 پلەی سیلیزی
زاخۆ : 35 پلەی سیلیزی
هەڵەبجە :37 پلەی سیلیزی
سۆران : 33 پلەی سیلیزی
حاجی ئۆمەران : 25 پلەی سیلیزی
