کەشناسیی هەرێم: پلەی گەرمی نزمدەبێتەوە و خۆڵ دەبارێت

کەشناسیی هەرێم رایدەگەیەنێت، سبەی دووشەممە، پلەی گەرمی نزمدەبێتەوە، خێرایی با زیاددەکات و لە ئەنجامدا، خۆڵ دەبارێت.

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ یەکشەممە، ئاسمان ساماڵ و پەڵەهەور دەبێت و پلەی گەرمی بەراورد بە تۆمارکراوەکانی دوێنێ، بە (2–4) پلە بەرزدەبێتەوە.

ئاماژەی بەوەشکرد، سبەی دووشەممە، ئاسمان ساماڵ و پەڵەهەور دەبێت، لەگەڵ بەرزبوونەوەى تۆز و خۆڵ لە کاتەکانى ئێوارەدا، لە ئەنجامى زیادبوونى خێرایى با، کاریگەریى ئەم تۆز و خۆڵە لە ناوچە دەشتاییەکان زیاتر دەبێت .

دەشڵێت، پلەی گەرمی بەراورد بە دوێنێ، بە (2-4) پلەی سیلیزی نزمدەبێتەوە.

پلەی گەرمیی پێشبینیکراو:

هەولێر : 34 پلەی سیلیزی

سلێمانی : 33 پلەی سیلیزی

دهۆک : 34 پلەی سیلیزی

کەرکوک : 38 پلەی سیلیزی

زاخۆ : 35 پلەی سیلیزی

هەڵەبجە :35 پلەی سیلیزی

سۆران : 33 پلەی سیلیزی

حاجی ئۆمەران : 24 پلەی سیلیزی

گەرمیان :39 پلەی سیلیزی