وەزارەتی تەندروستیی سعودیە رایدەگەیەنێت، بەهۆی گەرمای بەتینەوە، 25 حاجی دۆخی تەندروستییان تێکچووە و گواستراونەتەوە بۆ نەخۆشخانە.
وەزارەتەکە لە پۆستێکدا لە تۆڕی کۆمەڵایەتیی ئێکس، رایگەیاند “تا رۆژی سێیەمی مانگی (ذی الحجة)، دامەزراوە تەندروستییەکان 120 قەستەرە و 11 نەشتەرگەریی دڵیان بۆ حاجییان ئەنجامداوە”.
لە ناو ئەو ئامارانەی وەزارەتەکە بڵاویکردووەتەوە ئەوە هاتووە، هەزار و 730 حاجی گواستراونەتەوە بۆ چاودێریی چڕ، بەشی فریاکەوتن 19 هەزار و 219 نەخۆشیان وەرگرتووە، هەروەها سێ هەزار و 515 نەخۆش لە نەخۆشخانە خەوێندراون.
