ئەندامێکی جڤاتی نیشتمانیی بزوتنەوەی گۆڕان رایدەگەیەنێت، ئەرکی کۆنفرانسی گۆڕان هەڵسەنگاندنی کاری ئەنجومەنە هەڵبژێدراوەکان و رێکخستنەوەی بزوتنەوەکەیە.
کاردۆ محەمەد، ئەندامی جڤاتی نیشتمانیی بزوتنەوەی گۆڕان لە کۆنفرانسێکی رۆژنامەوانیدا رایگەیاند، ئەرکی کۆنفرانسی گۆڕان هەڵسەنگاندنی کاری ئەنجومەنە هەڵبژێدراوەکانە و ئامانجی خۆڕێکخستنەوەی بزوتنەوەکەیە.
ئاماژەی بەوەش کرد، گۆڕان یەکێک لە هەنگاوەکانی کۆتاییهێنانە بە پارچە پارچەبوون و ناکۆکی لەنێو ماڵی کورددا، پێویستە هەمووان دژایەتی گەندەڵی بکەین و سەرجەم لایەنە سیاسییەکان لەنێوخۆدا یەکگرتووبین.
بەپێی ئەو دەستورەی لە کۆنفرانسدا پەیڕەو دەکرێت، لە خوارەوە بۆ سەرەوە هەڵبژاردن دەکرێت و مەکۆکان دروستدەکرێن و جڤاتی نیشتمانیی بزوتنەوەکە هەڵدەبژێردرێت، کاردۆ محەمەد وای وت.
ئەمڕۆ دووەمین کۆنفڕانسی بزوتنەوەی گۆڕان لە گردی زەرگەتەی شاری سلێمانی بە بەشداریی زیاتر لە 800 کەس بەڕێوەدەچێت.
