بەپێی ئەو زانیارییانەی بە تۆڕی میدیایی ئێستا دراون، دەستكراوە بە ئامادەكردنی لیستی مووچەی مانگی پێنج و لە گەنجینەكان پەسەنددەكرێن و چاوەڕواندەكرێت هەفتەی داهاتوو لیستەكە بۆ بەغداد بنێردرێت.
هەر لە زانیارییەكاندا هاتووە، لیستەكە لە هەفتەی داهاتوو بۆ بەغداد دەنێرێت و تەموویلی مووچە دەكرێت كە بەر لە جەژن مووچەی مانگی پێنج رەوانەبكرێت و دەتوانرێت بە سێ رۆژ مووچەی سەرجەم مووچەخۆرانی هەرێم بەر لە جەژن دابەشبكرێت.
هەر ئەمڕۆش وەزارەتی دارایی و ئابوریی هەرێم لە بڵاوكراوەیەكدا رایگەیاند، ئەمڕۆ 22ی ئایار بەشی گەنجینەی فیدراڵی لە داهاتی نانەوتیی هەرێمی كوردستان بۆ مانگی نیسانی ساڵی (2025) كە بڕەكەی 50 ملیار و 522 ملیۆن و 750 هەزار دینارە، بەشێوەی كاش خرایە سەر هەژماری بانكیی وەزارەتی دارایی حكومەتی فیدراڵ لە لقی هەولێری بانكی ناوەندیی عێراق.
