علێوی: ئەمریكا داعش دەپارێزێت و پارە بۆ تەقینەوەكان تەرخان دەكات

ئەندامێكی لیژنەی ئاسایش و بەرگری لە پەرلەمانی عێراق، ئەمریكا بە پشتیوانیكردنی داعش و پاراستنی سەركردەكانی تۆمەتباردەكات و دەڵێت، “ئەمریكا ناهێڵێت عێراق داعشەكان بۆردومان بكات.”

كەریم علێوی، پەرلەمانتاری عێراق هۆشداری دەدات لە تێكچوونی بارودۆخی عێراق لە سەردەمی حوكمڕانیی جۆ بایدن سەرۆكی ئەمریكادا.

علێوی ئەندامی لیژنەی ئاسایش و بەرگرییە لە پەرلەمانی عێراق، ئەمریكای تۆمەتباركرد بە هەوڵدان بۆ سووتاندنی عێراق و وتی، “واشنتن ئامادەیە عێراق بسووتێنێت، بۆ ئەوەی هێزەكانی لەوێ بمێننەوە.”

بە بۆچوون و وتەی كەریم علێوی، “ڕێكخراوی داعش لەوكاتەوە كە دیموكراتخوازەكانی ئەمریكا دەسەڵاتیان گرتووەتەدەست، چالاك بووە، چونكە سیاسەتی دیموكراتخوازەكان، تێكدانی ئاسایش و سەقامگیریی خۆرهەڵاتی ناوەڕاستە بە تایبەت عێراق.”

ئەندامەكەی لیژنەی ئاسایش و بەرگریی لە پەرلەمانی عێراق، ئەمریكا بە كاری مەترسیدارتر تۆمەتباردەكات و دەڵێت، “واشنتن زۆربەی تەقینەوە و كردەوە تیرۆریستییەكانی عێراقی پارەداركردووە و پشتیوانی كردوون و سەركردەكانی داعش دەپارێزێت.”

جەختیشدەكاتەوە كە “هەندێك ناوچەی عێراق هەن داعش تیایاندا چالاكە، كەچی ئەمریكا ناهێڵێت فڕۆكەكانی عێراق بەسەریاندا بفڕن و بۆردومانیان بكەن.”

بابەتی پێشتر

توشبوون بە كۆرۆنا لە جیهاندا 100 ملیۆن كەسی تێپەڕاند

بابەتی دواتر

فەیسبووك پۆستێكی سەرۆكوەزیرانی ئیسرائیلی سڕییەوە

بابەتی پەیوەندیدار
Total
1
Share