رۆژنامەیەکی ئەمریکی بڵاویکردەوە، واشنتن پێشبینی رووخانی دەسەڵاتی سوریا و هەڵگیرسانی شەڕی ناوخۆ و پارچەپارچەبوونی وڵاتەکە دەکات.
رۆژنامەی زە کرایدڵی ئەمریکی لە راپۆرتێکدا بڵاویکردەوە، وەزارەتی دەرەوەی ئەمریکا و بەرپرسانی دیپلۆماسی وڵاتەکە پێشبینی روودانی شەڕی ناوخۆ بە لێکەوتەی کارەساتبارییەوە لە ماوەی چەند هەفتەی داهاتوودا دەکەن.
ئاماژەی بەوەشکرد، مارک رۆبیۆ وەزیری دەرەوەی ئەمریکا لە کۆبوونەوەیەکی رانەگەیەندراودا بە ئەندامانی کۆنگرێسی راگەیاندووە، لە ماوەی چەند هەفتە یان مانگەکانی داهاتوو، ئەگەری رووخانی دەسەڵاتی سوریا و هەڵگیرسانی شەڕی ناوخۆ و پارچەپارچەبوونی سوریا هەیە.
جەختیشیکردەوە، ئەگەر ئەوەی پێشبیندەکرێت رووبدات، ئەمریکا سوورە لەسەر ئەوەی جارێکی دیکە سزاکانی سەر وڵاتەکی بۆ سەر سوریا دەستپێبکاتەوە.
