سەرۆک وەزیرانى ئێستاى عێراق بە هاوپەیمانێتییەکى نوێ بەشدارى لە هەڵبژاردنى چاوەڕوانکراوى ئەنجومەنى نوێنەراندا دەکات.
هاوپەیمانییەکە لەژێر ناوى “ئاوەدانکردنەوە و پەرەپێدان”ە و لە راگەیەندراوى پێکهێنانیدا هاتووە، وەک پابەندییەک بەو بەڵێنانەى بە گەل دراون و، بۆ تەواوکردنى رێچکەى ئاوەدانکردنەوە و چاکسازى کە حکومەت لەڕێى بەرنامەکەیەوە هەنگاوى بۆ ناوە، ژمارەیەک هێز و رەوتى نیشتمانى پێکهێنانى هاوپەیمانێتییەکەیان بۆ هەڵبژاردنى ئەنجومەنى نوێنەران، کە بڕیارە لە تشرینى دووەمى داهاتوو ئەنجامبدرێت، رادەگەیەنن.
هاوپەیمانێتییەکە حەوت لایەن و رەوتى سیاسى لەخۆدەگرێت، دیارترینیان رەوتى فوراتەین-ە کە سودانى سەرۆکایەتی دەکات.
بڕیارە لە 11ى تشرینى دووەمى داهاتوو هەڵبژاردنى ئەنجومەنى نوێنەرانى عێراق بەڕێوەبچێت.
