سەعدی ئەحمەد پیرە وتەبێژی یەکێتیی نیشتمانیی کوردستان رایگەیاند، بڕیاری پـ.ـەکـ.ـەکـ.ـە بۆ هەڵوەشاندنەوەی خۆیان و وازهێنان لە خەباتی چەکداری بۆ کورد و تورکیش گرنگە.
سەعدی ئەحمەد پیرە رایگەیاند، یەکێتی نیشتمانیی کوردستان پێیوابووە کێشەی سیاسی بە شەڕ چارەسەرناکرێت و بژاردەی شەڕی پێنادروست بووە، لە مێژەوە سەرۆک مام جەلال هەوڵی بۆ چارەسەری کێشەی کورد لە تورکیا بە شێوەی ئاشتیانە داوە، ئێستاش دوای 32 ساڵ خۆیان هاتنە سەر هەمان بڕوایەی بەڵێ بژاردەی ئاشتی دروستە بۆ چارەسەری کێشەکان
وتیشی، جەنابی کاک بافڵ چەندین جار بە ئاشکرا وتوویەتی پشتیوانی لە بژاردەی ئاشتی دەکەین، تورکیا وڵاتێکی گرنگە سنوورێکی زۆرمان بەیەکەوە هەیە، بۆ ئێمەش گرنگە جارێکی دیکە ئەو سنوورانە رێکبخرێنەوە و کێشەمان نەمێنێت.
باسیلەوەشکرد، ئەم بڕیارەش کە دراوە هەم بۆ کورد و هەم تورکیش گرنگە و کۆتایی بەو شەڕ و کوشتارەبێت کە ماوەی 35 ساڵە بەردەوامە و نزیکەی 90 هەزار کەس لە هەردوو لا گیانیان لەدەستداوە.
