بەڕێوەبەری گشتیی وەبەرهێنانی سلێمانی، رایگەیاند، “کارکردن لە پرۆژەی نیشتەجێبوون راگیراوە”.
ئامانج جەلال، بەڕێوەبەری گشتیی وەبەرهێنانی سلێمانی، رایگەیاند، بە بەرنامەیەکی تایبەتەوە کار لەسەر کۆمەڵێک سێکتەری گرنگ دەکەین کە سێکتەرە کشتوکاڵی و پیشەسازییەکان لە پێشینەن، چونکە ئێستا کارکردن لە پڕۆژەی نیشتەجێبوون بە بڕیاری ئەنجومەنی باڵا وەستێندراوە.
باسی لەوەشکرد، “ژمارەی یەکە نیشتەجێبوونەکان هێندەی پێداویستیی شاری سلێمانی و قەزا و ناحیەکانە و رەزامەندییان هەیە”.
وتیشی، دواکەوتنی مووچەی مووچەخۆرانی هەرێم هەمیشە کاریگەری لەسەر سەرجەم سێکتەرەکان هەیە و دەبێت، بەو پێیەی ژمارەی مووچەخۆر لە هەرێم زۆرە.
