سوپای توركیا بۆ دووەم ڕۆژ لەسەریەك بۆردوومانی گوندەكانی دەروبەری منبجی ڕۆژئاوای كوردستانی كرد و ئەمڕۆش بە 42 هاوەن چەند ناوچەیەكی بۆردوومانكردووە.
ئەنجومەنی سەربازیی منبج بڵاویکردەوە، سوپای تورکیا گوندەکانی “کاوکلی و قرت” و چەند ناوچەیەكی دیكەی لە خۆرئاوای شاری منبج بۆردوومان کردووە، تا ئێستاش زیانە گیانی و مادییەکانی ئەو بۆردوومانە نەزانراوە.
باسی لەوەشكردووە، تورکیا ئەو ناوچانە دەکاتە ئامانج کە هاوڵاتیی مەدەنی تێدایە و ژیانیانی كردووەتە مەتەرسییەوە.
ماوەی چەند ڕۆژێکە سوپای تورکیا سەرەڕای نیگەرانیەكانی ئەمریكا و حكومەتی سوریا ھێرشێکی بەرفراوانی بۆ سەر بەشێک لە ناوچەکانی ڕۆژئاوای کوردستان دەستپێکردووە.
