بەڕێوەبەرایەتیی گشتیی حەج و عومرەی هەرێم خاوەن کۆمپانیاکان ئاگاداردەکاتەوە، ریکلام بۆ گەشتی عومرە نەکەن.
بەڕێوەبەرایەتیی گشتیی حەج و عومرەی هەرێمی کوردستان لە راگەیەندراوێکدا بڵاویکردەوە، “ئاگاداری هەموو خاوەن کۆمپانیاکانی حەج و عومرەی کوردستان دەکەین، ئەوانەی مۆڵەتی فەرمییان لە بەڕێوەبەرایەتیی گشتیی حەج و عومرەی هەرێمی کوردستان وەرگرتووە، بە هیچ شێوەیەک ریکلام و بانگەشە بۆ گەشتی عومرە نەکەن تاوەکو پرۆسەی حەج بە سەرکەوتوویی بەکۆتادێت و ئەوکات بەڕێوەبەرایەتیی گشتیی حەج و عومرە بە پلانێکی تۆکمەوە و بە بەرنامەیەکی تازە و رێنمایی نوێ، دەرگای پێشکەشکردن بە رووی کۆمپانیاکانی حەج و عومرە دەکاتەوە”.
لە راگەیەندراوەکەدا ئەوەش هاتووە، “بە پێویستی دەزانین، ئاگاداری کۆمپانیاکان بکەینەوە کە خۆیان لە ریکلامکردن و دەستنیشانکردنی وادەی عومرە بەدووربگرن، تاوەکو بەڕێوەبەرایەتیی گشتیی حەج و عومرەی کوردستان رایدەگەیەنێت و هەر کەس و کۆمپانیایەکیش سەرپێیچی بکات، ئەوا رووبەڕووی لێپێچینەوەی یاسایی و کارگێڕی دەبێتەوە”.
