دەسەڵاتی فڕۆکەخانەکانی پاکستان رایدەگەیەنێت، بەهۆی پەرەسەندنی گرژییەکان لەگەڵ هیندستان، ئاسمانی وڵاتەکە بەڕووی سەرجەم گەشتە ئاسمانییەکاندا داخرا.
دەسەڵاتی فڕۆکەخانەکانی پاکستان لە بەیاننامەیەکدا رایگەیاند، ئەمڕۆ شەممە، لە کاتژمێر 3:15ـی بەرەبەیان تا 12ی نیوەڕۆ، ئاسمان بەڕووی سەرجەم گەشتەکاندا داخرا.
ئاماژەی بەوەشکرد، “ئەم بڕیارە بەهۆی نیگەرانییە ئەمنییەکان و پەرەسەندنی گرژییەکان لەگەڵ هیندستان، دراوە”.
هاوکات هەر ئەمڕۆ، دەسەڵاتدارانى هیندستان کارکردنیان لە 32 فڕۆکەخانەى مەدەنیی وڵات، تا 15ى ئەم مانگە بەهۆى بارگرژییەکان لەگەڵ پاکستان راگرت.
