پەکەکە سەبارەت بە بەستنی كۆنگرە و دەركردنی چەند بڕیارێكی مێژووی راگەیەندراوێكی بڵاویكردەوە.
بەپێی راگەیەندراوێكی پارتی كرێكارانی كوردستان، لە نێوان 5 بۆ 7ـی ئەم مانگە گۆنگرەی خۆیان بەسەركەوتوویی ئەنجامداوە.
ئاماژە بەوەشكراوە، لەم كۆنگرەیەدا پەكەكە چەند بڕیارێكی مێژووی دەركردووە ئەمەش لە چوارچێوەی بانگەوازەكەی عەبدوڵا ئۆجەلاندا و لە زووترین كاتیشدا تەواوی وردەكاریی بڕیارەكانی خۆیان ئاشكرادەكەن.
بەپێى راگەیەندراوەکە، کۆنگرەکە لە ناوچەکانی پاراستنی میدیا، کە ناوچەکانى ژێر دەسەڵاتیان دەگرێتەوە، ئەنجامدراوە.
دەشڵێت، تیایدا راپۆرتی کورتی کۆمیتەی ناوەندیی پەکەکە و بۆچوون و پێشنیازەکانی ئۆجەلان بۆ کۆنگرە خوێندرایەوە و هەڵسەنگاندنی بۆ کرا و لەسەر بنەمای بانگەوازەکەی ئۆجەلان بڕیاری “مێژوویی” درا.
