بریکارى وەزارەتى نەوت رایدەگەیەنێت، سەرجەم پڕۆژەکانی غاز لە هەرێمی کوردستان رەوانەی کۆمپانیا نێودەوڵەتییەکان کراون و وادەى وەبەرهێنان تیاشیاندا ئاشکرادەکات.
عیزەت سابر، بریکارى وەزارەتى نەوت بۆ کاروبارى غاز رایگەیاند، هەوڵەکانیان بەردەوامە بۆ زیادکردنی وەبەرهێنانی غازی هاوەڵ لە عێراق، بەجۆرێك توانراوە رێژەى سووتانى غاز بە رێژەى 13% کەمبکرێتەوە، کە وایکردووە رێژەکە لە ئێستادا بۆ 67% بەرزببێتەوە، لەکاتێکدا پێشتر 53% بوو.
وتیشى، “بەپێى ئەو پرۆژانەى ئێستا لە جێبەجێکردندان و ئەوانەش کە پلانڕێژییان بۆ کراوە سووتاندنى غاز بەتەواوى کۆتایى پێدێت”.
سەرجەم ئەو پرۆژانەش کە پەیوەندییان بە غازەوە هەیە لە هەرێمى کوردستان رەوانەى کۆمپانیا جیهانییەکان کراون و، لە کۆتایى ساڵى 2027 کارکردن تیایاندا دەستپێدەکات، عیزەت سابر لە لێدوانێکدا بۆ رۆژنامەى (سەباح) واى وت.
روونیشیکردەوە، لە قۆناغى یەکەمدا وەبەرهێنان 300 ملیۆن پێ سێجا دەبێت.
