بەڕێوەبەری راگەیاندنی بەڕێوەبەرایەتیی ئاوی سلێمانی، رایگەیاند،” ئێستا هیچ گرفتێک لە دابەشکردنی ئاودا نییە”. داوایەکیش لە هاوڵاتییان دەکات.
ئامانج جەلال، بەڕێوەبەری راگەیاندنی بەڕێوەبەرایەتیی ئاوی سلێمانی، بە تۆڕی میدیایی ئێستای راگەیاند، “ئێستا هیچ گرفتێک لە دابەشکردنی ئاودا نییە و بەپێی کاتەکانی پێشووتر ئاو بەسەر گەڕەکەکانی سلێمانیدا دابەشدەکرێت”.
وتیشی، “لەگەڵ نزیکبوونەوە لە وەرزی هاوین هاوڵاتییان زیاتر پێویستیان بە ئاوە و ئێمەش پلانمان بۆ ئەوە داناوە و ناهێڵین لە دابەشکردنی ئاودا هیچ گرفتێک دروست ببێت”.
ئامانج جەلال باسی لەوەشکرد، “دەبێت هاوڵاتییان هاوکارمان بن و بەفیڕۆدانی ئاو کەمبکەنەوە، چونکە ئەمساڵ بڕی بارانبارین کەمبووە بەجۆرێکە کە نیوەی ساڵی رابردوو باران نەباریوە”.
