لێپرسراوی رێکخستنەکانی کەرکوک – سەڵاحەدینی یەکێتی رایگەیاند، لە جێگەی هەر دەنگێکی کورد لە کەرکوک درەختێک دەڕوێنین.
ئاسۆ مامەند، لێپرسراوی رێکخستنەکانی کەرکوک – سەڵاحەدینی یەکێتیی نیشتمانیی کوردستان رایگەیاند، پارێزگاری کەرکوک یەکەمی سەر ئاستی عێراق بوو، ئەوەش شانازییە بۆ کورد و یەکێتی.
وتیشی، لایەنی دەرەوەی یەکێتی هەبووە، کە دەنگی بە ئێمە داوە و پشتگیریی کردووین.
ئاماژەی بەوەشدا، لە بەرامبەر 178 هەزار دەنگی کورد لە کەرکوک، 178 هەزار درەخت دەڕوێنین.
ئاسۆ مامەند دووپاتیشیکردەوە، کورسی و دەنگەکانی یەکێتی لەم هەڵبژاردنەدا زیادیانکردووە و یەکێتی لە کەرکوک سەلماندی هێزی یەکەمە و رکابەری نییە.
