کەشناسیی هەرێم رایدەگەیەنێت، ئەمڕۆ لە ناوچە شاخاوییە سنوورییەکان نمەباران دەبارێت.
بەڕێوەبەرایەتیی گشتیی کەشناسیی هەرێمی کوردستان لە راگەیەندراوێکدا بڵاویکردەوە، ئەمڕۆ چوارشەممە، ئاسمان ساماڵ و پەڵەهەور دەبێت، لەگەڵ نمەبارانی کەم لە ناوچە شاخاوییە سنووریەکانی باکوور و باکووری رۆژهەڵات.
ئاماژەی بەوەشکرد، پلەکانی گەرما بە (1-2) پلە بەراورد بە تۆمارکراوەکانى دوێنێ بەرزدەبێتەوە.
لەبارەی کەش و پلەی گەرمیی سبەی پێنجشەممەوە، کەشناسی پێشبینیدەکات، ئاسمان ساماڵ و پەڵەهەور دەبێت و، لە هەندێک کات و ناوچەدا نیمچەهەور دەبێت، پلەی گەرمییش بە (1-3) پلەى سیلیزى بەراورد بە تۆمارکراوەکانی ئەمڕۆ بەرزدەبێتەوە.
پلەی گەرمیی پێشبینیکراو:
هەولێر : 30 پلەی سیلیزی
سلێمانی : 27 پلەی سیلیزی
دهۆک : 29 پلەی سیلیزی
کەرکوک : 33 پلەی سیلیزی
زاخۆ : 30 پلەی سیلیزی
هەڵەبجە : 28 پلەی سیلیزی
سۆران : 26 پلەی سیلیزی
حاجی ئۆمەران : 17 پلەی سیلیزی
گەرمیان :33 پلەی سیلیزی
